Flexometroa Metalezko zinta malgu bat du, bertan neurriak markatuta daudelarik. Karkasa metaliko baten barruan bildurik egoten da. Batzuk balazta sistema bat daukate, zinta automatikoki biltzea eragozteko. Metro bat eta 5m tartekoak izaten dira normalean. Erabiltzeko erraza delako, erraz jasotzen delako, leku gutxi behar duelako , merkea eta arina delako...guzti honengatik gaur egun era guztietako profesionalek erabiltzen dute: arotzek, igeltseroek, iturginek... baina horretaz gain edozein pertsonak du etxean flexometro bat, lan bat baino gehiagotarako lagungarri.
Puntadun konpasa Zirkunferentzia osoak edo hauen zatiak marrazteko balio digu, eta baita punta bat ertz baten gainean irristatuz bestearekin ertzarekiko paraleloak diren lerroak marrazteko ere.
eutsi
Tornuzila Alde bat finko du, eta bestea mugikorra. Zati mugikor hau torloju baten bidez aurrera eta atzera mugitzen da, era horretara alde finkoaren kontra estutuko du tartean jartzen dugun pieza.
Zerrotea Moztu beharreko piezak lodiagoak direnean zerroteak erabiliko ditugu
Zerrote bizkarduna Xafla mehe bat du, eta hortz meheak. Zehaztasuneko lanetarako erabiltzen da. Xaflaren goialdean altzairuzko edo letoizko xafla astun bat izaten du, xaflari zuzenago eusteko.
Inguratzeko zerra eramangarria Edozein ohol trinko mozteko balio digu makina elektriko honek. Zerra mota desberdinak jarri ahal dizkiogu, adibidez plastikoak edo metalak moztekoak.
zizelkatu
Mazoa Gomazko mailu berezia da.
Karraka Altzairuzkoak izaten dira, eta gainazala hortzez beteta edukitzen dute, egurra arbastatzeko. Forma eta neurri askotakoak daude.
Bi eskuz helduta egiten da arbastaketa; bat karrakaren heldulekuan, eta bestea karrakaren puntan.
Karda Altzairuzko hortzak dituen eskuila da. Arraspak eta limak garbitzeko erabiltzen dira.
Birabarkia Eskuz erabiltzeko zulagailu bat da. Barauts bat lotzen zaio puntan, gero atzealdea gure gorputzaren kontra jarri eta bueltak eraginez zuloak egiteko balio du.
batu
Egozkailua Egurrean iltzeen buruak enbutitzeko erabiltzen da.
Kurrika Iltzeak ateratzeko, piezak eusteko eta mozteko erabiltzen da.
Gabilak Torloju berezi batzuk dira. Muturra puntan bukatzen zaie ordea, eta hari helikoidala dute. Lotu eta askatzeko burua era askotakoa izan dezakete, eta horren arabera bihurkin desberdina erabili beharko dugu.
Bihurkinak Torlojuak lotu edo askatzeko balio dute. Burua era askotakoa izan dezakete. Adibidez, laua edo izar-erakoa (phillips). Tamainuak ere desberdinak izaten dira.
Giltza hexagonalak Torlojuak eta azkoinak lotu edo askatzeko balio dute hauek ere. Neurriak normalizatuak dira. Torloju-buru bakoitzari bere giltza dagokio.
Pistola termofusiblea Pistola hau sare elektrikora konektatzen denean berotu egiten da, eta kola urtu egiten da. Kola honek zurezko piezak itsasteko balio digu.
Ukipen kola Batez ere plastikozko piezak itsasteko erabiltzen da. Oso azkarrak izan ohi dira eta behin emanda ezin da atzera bueltatu.
akabera eman
Pintore-arrabola Gainazala handiegia bada azkarrago ibiliko gara honekin.
Karrozari-zinta Margotu nahi ez diren parteak babesteko erabiltzen da. Itsatsita gelditzen da baina erraz kentzen da gero
neurtu eta markatu
Erregela graduatua Luzera neurtzeko erabiltzen da. Gehienez 50cm izan ohi dituzte. Zehaztasuna 1mm. Plastiko edo metalezkoak izan daitezke.
Metalezko eskuaira Metalezko orri graduatu bat du, beste pieza batekin 90ºtara lotuta. Angelu zuzenak egiaztatzeko erabiltzen da, baita marra elkartzut eta paraleloak egiteko ere.
Nibela Planoaren horizontaltasuna edota bertikaltasuna egiaztatzeko erabiltzen da. Metalezkoak, egurrezkoak edo plastikozkoak izan daitezke.
Sarjenta Piezak mozteko orduan ez mugitzeko, mahaian lotzen da sarjentarekin. Baita kolaz itsatsi ditudan piezak elkarrekin lotzeko ere, kola sekatu arte.
ebaki
Inguratzeko zerra (marketeri-zerra) Moztu behar dugun ohola mehea denean, inguratzeko zerra erabiltzen da. Zerra beti piezarekiko elkarzut mantenduko dugu. Zerra orria egin beharreko lanaren araberako izango da. Hau aldatzeko, orria lotzen duten bi tximeletak askatuko ditugu eta orri berria jartzeko.
Inglete-kutxa Zerrote bizkardunarekin batera erabiltzen da mozketa perpendikularrak edo 45º angeluarekin egiteko.
Mahai gaineko zerra Mahai baten gainean egoten den makina elektriko bat da. Zerra bat gora eta behera ibiltzen da etengabe, eta honekin egurra mozten da. Bertan lana egiteko bi eskuak libre edukiko ditugu. Kontuan izan behar dira bereziki segurtasun neurriak, istripuak ekiditeko.
Trintxa Alaka bakarra du puntan. Egurra hustutzeko edo zuloak irekitzeko erabiltzen da. Mazo batekin ematen zaio kirtenean indarra egiteko.
arbastatu eta findu
Arraspa
Karrakaren oso antzeko erraminta da, baina arraspak askoz ere hortz haundiagoak edukitzen ditu. Honela askoz azkarrago arbastatuko dugu egurra,baina bukaera askoz ere irregularragoa emango dio.
Lizpapera Paper bat da lizpapera, partikula urragarriak dituena. Partikula hauek tamaino desberdinak eduki ditzakete, eta zenbaki bat ematen zaio partikula hauen tamainaren arabera. Ale lodikoarekin baino akabera finagoa lortuko dugu ale finekoarekin.Eskuz lixatzean papera eusteko tako bat erabiltzen da. Egurrezkoa edo kotxozkoa izan daiteke.
zulatu
Ginbaleta Zulo txikiak egin behar direnean erabiltzen da. Eskuz biratzen da egurraren gainean, zuloa egiteko. Torloju bat sartu behar denean ere erabiltzen da, torlojuaren 'gida' izango den zuloa egiteko.
Zulagailu elektrikoa edo taladroa (eskuzkoa) Motor batek barautsa biraerazi egiten du, zuloa eginez. Barautsak desberdinak daude material desberdinak zulatzeko. Entxufatu egin behar dira batzuk, eta beste batzuk berriz bateriak dauzkate. Zuloa egiterako orduan ahalik eta zuzenen edukiko dugu taladroa (90º).
Iltzeak Mailuarekin kolpeak emanez egurraren barrura sartzen dira iltzeak, batu behar ditugun zatiak elkarrekin batuz.
Aliketa unibertsala Hau ere iltzeak ateratzeko, piezak eusteko eta mozteko erabiltzen da
Torloju, azkoin eta zirrindola Torlojuaren tamainako zuloa egin ondoren lotu behar ditugun piezetan, zulo guztiak lerrokatuta ipini eta alde batetik torlojua sartuko dugu. Bestaldetik zirrindola sartuko dugu lehendabizi, eta gero azkoina. Hauek ere lotu eta askatzeko burua era askotakoa izan dezakete, eta horren arabera bihurkin bat edo bestea erabili beharko dugu.
Allen giltzak Forma hexagonal bat edukitzen du giltza mota honek . Torlojual ere buruan hexagono formako zulo bat izango du. Tamainuak normalizatuak dira, eta torloju bakoitzari giltza-tamainu bat dagokio.
Giltza ingelesa Giltza lauarekin lotu edo askatzen ditugun torloju berdinentzako balio du. Baina alde bat finkoa du, eta bestea aurrera eta atzera erabil dezakegu, torloju-buruaren neurrira egokituz.
Kola termofusiblea Beroarekin urtzen den materiala da. Hoztean solidotzen da eta piezak itsatsita gelditzen dira. Berriro beroa emanez elkarketa desegin daiteke.
kola zuria Kolek edo itsasgarriek lotura finkoak egiten dituzte. Kola zuria egurrezko piezak itsasteko erabiltzen da. Denbora batez bi piezak ongi estututa eduki behar dira..
Brotxak Margoa eta berniza emateko erabiltzen dira.
Pintzelak Brotxak bezala baina zehaztasun gehiagorekin eman ahal da. Beraz kolore bat baino gehiago eman nahi denean.
