HAUR HEZKUNTZAKO CURRICULUM DEKRETUA -AZERIAK GA3-

SARRERA: OINARRIZKO KONPETENTZIAK

1.1. Oinarrizko zehar-konpetentziak (5):

Hitzezko eta hitzik gabeko komunikaziorako eta komunikazio digitalerako konpetentzia.

Konpetentzia horren bidez, pentsamendua eraikitzen da eta gizabanakoaren eta ingurunearen arteko hartu-emanak bideratzen dira.

Ikasten eta pentsatzen ikasteko konpetentzia

Haur Hezkuntzaren xedea da ikaskuntza funtzional eta adierazkorrak egiteko testuinguruak ziurtatzea.

Elkarbizitzarako konpetentzia.

Handitu egiten da haurren ingurunea. Ingurunearekin eta beste haur batzuekin hartu-emanak izanda, gai izango dira pentsamendu-prozesuak lantzeko, erabakiak hartzeko...

Ekimen eta espiritu ekintzailerako konpetentzia.

Ideiak ekintza bihurtzeko gai izatean datza.

Norbera izaten ikasteko konpetentzia.

Hausnartzeko gaitasuna izatea funtsezkoa da autoerregulaziorako gaitasuna eskuratu eta nortasuna eraikitzeko prozesuan.

1.2. Oinarrizko konpetentzia espezifikoak (6):

Hizkuntza- eta literatura-komunikaziorako konpetentzia.

Sentimenduak eta emozioak adierazi eta bizipenak izan ahala, pertsonek gero eta gehiago ezagutzen dute beraien burua.

Matematikarako konpetentzia.

Errealitatea ulertu eta interpretatzeko tresnak eskuratzen dira, eta tresna horien bidez, errealitateko elementuak identifikatzen dira eta elementu horien arteko erlazioak, formak, denboraren erabilera eta espazioaren adierazpena zehazten.

Zientziarako eta teknologiarako konpetentzia.

Pertsonen arteko hartu-emanak landu behar dira.

Konpetentzia sozial eta zibikoa

Honako jardun hauek landu behar dira bizikidetzarako trebetasun sozialak eskuratzeko gizarte plural eta demokratikoetan.

Arterako konpetentzia.

Material askotarikoak arakatu eta sormenerako erabiltzen baldin badira, kultura ezagutzeko, ulertzeko eta balioesteko bidea egiten da.

Konpetentzia motorra.

Haurrak bere nortasun propioa eraikitzen du, bere gorputza ezagutzen du eta hura adierazpen-bitarteko moduan erabiltzen, gorputz-egitura osatzen du.

2. Esperientzia-eremuak.

Haurrak ingurune fisikoarekin, ingurune naturalarekin eta gizartearekin dituen hartu-emanen harian eraikitzen du nortasun pertsonala. Esperientzia-eremuak ez dira eremu itxiak; aitzitik, elkarri lotuta daude hezkuntza-jardunean, eta banaezinak dira eraikuntza pertsonaleko prozesu dinamikoan. Errealitatearen alderdiak egituratzen laguntzen dute.

3. Errealitatea ulertzeko moduak eta ikasteko egoerak.

Haur Hezkuntzako lehen zikloan (0-3 urte)

Gorputza da mundua arakatzeko eta esperientziak izateko abiapuntua. Adin horietan eratzen dira errealitatea ulertzeko oinarriak (espazioak, denborak, kausalitateak, etab.) Adin horretako haurrentzat, jolasa eta esperimentazioa dira garapeneko eta ikasteko prozesuaren ardatza eta motorra.

Haur Hezkuntzako bigarren zikloan (3-6 urte

Haur-ipuinak eta haurren narrazioak eta elkarrizketak dira garapeneko eta ikasteko prozesuaren ardatza eta motorra. Urte horietan, ingurunearen ezagutza eta gizarte-harremanak handitzen dituzten heinean, nabarmen hobetzen dute ahozko hizkuntzaren bidezko komunikazioa.

1.– NORTASUNAREN ERAIKUNTZAREN ETA INGURUNE FISIKO ETA SOZIALAREN EZAGURAREN EREMUA

1.1. EREMUAREN EZAUGARRIAK.

Pertsona-nortasunaren gainean eta ingurune natural, fisiko eta sozialaren gainean gero eta ezagutza doituago bat eraikitzeko bidea adierazten du esperientziaren eremu honek.

Norberaren gorputza ezagutzea da, haurrarentzat, pertsona den aldetik bere burua ezagutzeko lehen erreferentea, baita «ni» nozioa eta bere buruaren gaineko irudia osatzekoa ere. Norberaren gorputza eta bere aukerak eta mugak ezagutu, kontrolatu eta menderatu behar dira nortasuna eraikitzeko prozesuan.

Nork bere burua zaintzen ikasteko, elikaduraren, garbitasunaren, ariketa fisikoaren, atsedenaren eta segurtasunaren gaineko jokabide-ildo egoki eta osasungarriak eskuratu behar dira pixkanaka.

Eremu honetako eduki nabarmenak dira nortasun propioaren eraikuntza, hurbileko ingurune natural eta sozialak, haien elementu fisikoak, elementu horien arteko erlazioak eta ingurune horietan eratzen diren antolamenduak, rolak eta harreman sozialak.

Haurren hezkuntzak gero eta esperientzia zabalagoak izateko aukera emango die haurrei eta, haien bidez, pertsonak eta pertsonen arteko harremanak ezagutzeari ekingo diote.

1.2. ETAPAKO HELBURUAK

«Nortasunaren eraikuntza eta ingurune fisikoaren eta sozialaren ezaguera»

Ohartzea norbera pertsona berezia dela

Zentzumen-pertzepzioa lantzea eta testuinguruaren ezaugarrietara doitzea

Ongizate emozionalari eta fisikoari dagozkion jarrerak lantzea (mugimenduak, jolasa)

Errespetu, laguntza eta lankidetzako jarrerak eta ohiturak lantzea

Ingurune fisiko eta soziala behatu eta aztertzea eta hura ezagutzeko interesa adieraztea

Gailu teknologikoak erabiltzen hastea eta haien komunikazio-ahalmena balioestea

Zer gizarte talde dituen jakitea

Haurraren bizi-ingurunean egiten diren bertako eta kanpoko festak, tradizioak eta ohiturak ezagutzea

1.3. EDUKIAK

1.3.0.– Eduki komunak

Informazioa ulertzea (konparatzea, sailkatzea, sekuentziatzea eta aztertzea), buruz ikastea eta adieraztea (deskribatzea, zehaztea, azaltzea, etab.).

Informazioa balioestea eta adieraztea (arrazoiak ematea, justifikatzea, etab.).

Ideiak sortu eta adieraztea

Lortutako emaitza komunikatzea.

Pertsonen arteko harremanak eta komunikazioa lantzea (enpatia eta asertibitatea).

Elkarlana eta lankidetza

Gatazkak kudeatzea.

Gorputza eta emozioak autoerregulatzea.

1.3.1.– Lehen zikloko edukiak

1. MULTZOA. Nortasuna eraikitzea

Norberaren gorputza eta nortasuna eraikitzea eta onartzea

Norberaren eta gainerako pertsonen sentimenduak, emozioak, oinarrizko beharrizanak eta interesak adieraztea, identifikatzea eta erregulatzen hastea

Gero eta konfiantza handiagoa izatea norberaren ahalmen motorretan

Eskuen erabilera fineko trebetasunak koordinatzen eta kontrolatzen hastea

2. MULTZOA. Hartu-emanak gizarte-ingurunean

Zer gizarte taldetako partaide den jakitea eta horiek bereiztea

Lotura afektiboak bilatu eta ezartzea

Hurbileko gizarte-inguruneko kultura-adierazpenekiko interesa izatea.

3. MULTZOA. Hartu-emanak ingurune fisiko eta naturalarekin

Espazioak behatzea eta arakatzea, eta haietan dauden objektuak erabiltzea zentzumenen eta ekintzen bidez

Naturako elementuak behatzeko interesa izatea

1.3.2.– Bigarren zikloko edukiak

1. MULTZOA. Nortasuna eraikitzea

Norberaren gorputza arakatzea eta ezagutzea. Norberak zer ezaugarri eta bereizgarri dituen jakitea eta gainerako pertsonekiko diferentziak eta antzekotasunak identifikatzea.

Norberaren ezaugarriak, ahalmenak eta mugak balioetsi eta, arian-arian, onartzea

Eguneroko bizitzako jarduerak (jatorduak, atsedenak, garbitasuna eta joan-etorriak) antolatzeko ezarrita dauden arauak onartzea eta balioestea

Osasunari zuzenean eragiten dioten arrisku-faktoreen balioespen doitua egitea eta prebentzioko eta segurtasuneko portaerak izatea ohiko egoeretan.

Eguneroko bizitzako lanak egiteko ekimena izatea eta lan horiek gero eta autonomia handiagoz egitea

Akatsak ekintza hobetzeko bidea direla aitortzea

Laguntza eskatu eta onartzea hura premiazkoa duenean

Konfiantza izatea norberaren ekintza-ahalmenean

Antolatzeko, konstantea izateko, arreta jartzeko, ekimena hartzeko eta ahalegintzeko ohiturak eta jarrerak lantzen hastea

2. MULTZOA. Hartu-emanak gizarte-ingurunean

Gainerako pertsonen nortasuna eta ezaugarriak onartzea, diferentziak errespetatzea eta diskriminazio-jarrerak baztertzea

Hastapenetako zer gizarte taldetako partaide den jakitea eta horiek bereiztea

Gogoz bereganatzea, arian-arian, elkarbizitzaren oinarrizko arauak

Estereotipo eta aurreiritzi sexista batzuk identifikatzea eta baztertzea.

3. MULTZOA. Hartu-emanak ingurune fisiko eta naturalarekin

Ingurune naturala eta haren baitako objektuak, materiak, eginkizunak eta eguneroko erabilerak behatu, esploratu eta ezagutzea

Ingurune naturaleko fenomenoak (gau eta egunen segida, euria, etab.) behatzea eta gizakien bizitzan duten eraginaz ohartzea

Ohartzea teknologiak doitasunez eta beharrezkoa denean erabili behar direla

1.4. EBALUAZIO-IRIZPIDE ETA -ADIERAZLEAK

Gorputzaren egituraren gero eta irudi doituago bat adieraztea eta bere sentsazio eta pertzepzioez jabetzea.

Pertsonen arteko diferentziak eta antzekotasunak ezagutzen eta azaltzen ditu, gorputzaren ezaugarri eta bereizgarri batzuei erreparatuta

Zentzumenen eta beraien helburuen arteko loturak egiten ditu

Trebetasun motorrak eta eskuak erabiltzeko abileziak hobetzea, bere ahalmenean gero eta konfiantza handiagoa izanda

Gero eta autonomia handiagoz ebaztea eguneroko bizitzako arazo-egoera errazak

Jolasetan parte hartzea, eta, parte-hartze horretan, gero eta gehiago erregulatzea sentimenduen eta emozioen adierazpena

Ingurunea haren elementuen behaketaren, eskuzko erabileraren eta esplorazioaren bidez deskubritzeko jakin-mina adieraztea

Maiz erabiltzen dituen lekuetan orientatzea eta kokatzea, oinarrizko espazio-nozioak egoki erabilita

Eguneroko bizitzako jardueren eta ekitaldi sozialen denbora-sekuentzia ezagutzea eta aurreratzea, oinarrizko denbora-nozioak egoki erabilita

Gailu teknologikoen eta digitalen gaineko interesa adieraztea eta haiek erabiltzea, pertsona helduen laguntzarekin, gailuen funtzionamendua ulertu eta ingurune fisiko eta soziala ezagutzen hasteko

Gizarte-ingurunea ezagutzeko jakin-mina adieraztea, erreferentziazko gizarte taldeetan gogoz parte hartuta.

Kide den gizarte taldeen ezaugarriak ezagutzen ditu.

2.– NORTASUNAREN ERAIKUNTZAREN ETA KOMUNIKAZIOAREN ETA ADIERAZPENAREN EREMUA

2.1.– EREMUAREN EZAUGARRIAK

Pertsonaren eta ingurunearen arteko komunikazioa eta interakzioak lantzea da eremu honen xedea

Haur Hezkuntzako etapan, handitu eta dibertsifikatu egiten dira haurren esperientziak eta ugaritu egiten dira haurren komunikazio eta adierazpen moduak.

Etapa horretan, handitu eta sakondu egiten da ingurunearekin duten harremana

Komunikazio-trebetasunak eskuratzeko, indartu egin behar dira mezuak hartu eta interpretatzeko ahalmenak eta haiek sortu edo igortzekoak.

Honako hizkuntza hauek baliatzen dira eremuan: hitzezkoa, idatzizkoa, artistikoa…

Adierazpen modu horiek lantzeko prozesuan, esanahiak negoziatzen direnean, gizartean hitzarturik dauden kodeak bereganatzeko urratsak emango dituzte haurrek, haien alderdi adierazkor eta funtzionalean

Haurraren eskolak komunikaziorako esparru bat izan behar du.

Haurraren hurbileko ingurunearen beste elementu bat da idazketa.

Arte-hizkuntzaren bidez, haurrek errealitatea arakatzen dute, errealitateaz duten ezagutza adierazten dute, beraien emozioak eta sentimenduak adierazten dituzte…

Musika-hizkuntzaren bidez, hainbat ahalmen lantzen dira; hala nola, pertzepzioa, erritmoa eta kantua…

Gorputz-hizkuntzak (keinuek, kontaktu tonikoak, begiradek…) adierazpenaren dimentsiorako atea zabaltzen du

Ikus-entzunezko hizkuntzak eta teknologiaren hizkuntzak lekua dute haurren bizitzan

Objektuen eta errealitatearen propietateak eta haien arteko erlazioak adierazten ditu matematika-hizkuntzak (testuinguru adierazkor eta funtzionaletan)

Hizkuntzen bidezko komunikazioa kultura-aberastasunerako tresna da

2.2.– ETAPAKO HELBURUAK

«Nortasunaren eraikuntza eta komunikazioa eta adierazpena» eremuko helburuak:

Norberak zer emozio eta sentimendu dituen ezagutzea eta horiez jabetzea

Hizkuntza askotarikoen komunikazio-tresnak eskuratzeko bidea egitea eta tresna horiez gozatzea

Ahozko hizkuntza arian-arian erabiltzea eta balioestea

Gainerako haurren eta helduen mezuak ulertzea eguneroko bizitzako egoeretan

Hizkuntza ofizialetan eta inguruneko hizkuntza askotarikoetan komunikatzeko jarrera irekia izatea

Atzerriko hizkuntza bat komunikazio-xedez erabiltzen hastea

Hainbat kultura-tradiziotako testu batzuk ulertzea, azaltzea eta moldatzea

Hizkuntza idatziaren gizarte-arauak ikasten hastea

Askotariko testuingurutan erabiltzea matematika-adierazpenak

Arte-produkzioetan parte hartzea

2.3.– EDUKIAK

2.3.0.– Eduki komunak

Eremu guztiek komunak dituzten oinarrizko zehar-konpetentziekin lotutako edukiak. Edukien multzo honetan adierazitako jarrera eta prozeduren xede dira:

Informazioa identifikatu, lortu eta berreskuratzea

Informazioa ulertzea, buruz ikastea eta adieraztea

Informazioa balioestea eta adieraztea

Ideiak sortu eta adieraztea

Elkarlana eta lankidetza taldean ikasteko zereginetan

Giza eskubideak eta gizarte-arauak betetzea.

2.3.1.– Lehen zikloa

1. MULTZOA. Hitzezko komunikazioa

Ahozko hizkuntza ulertu eta adierazteko urratsak ematea

Ahotsa deskubritzea eta probatzea

Hizkuntzaz kanpoko zeinuak ezagutzea eta erabiltzea

Komunikazio-harremanen oinarrizko arauak erabiltzen hastea

Askotariko testuak arretaz entzutea

2. MULTZOA. Gorputz-hizkuntza

Norberaren gorputzak dituen komunikazio-ahalmenak arakatzea, deskubritzea eta erabiltzea

3. MULTZOA. Matematika-hizkuntza

Ohiko lekuetan orientatzea eta espazio-nozio batzuk hitzez adieraztea

4. MULTZOA. Arte-komunikazioko beste modu batzuk

Zentzumenak esploratzea eta askotariko materialak eta tresnak erabiltzea.

3.2.– Bigarren zikloa.

1. MULTZOA. Hitzezko eta idatzizko komunikazioa

Ahoz adierazitako testu errazak ulertzea

Sormena adieraztea hizkuntzaren ahozko erabilera egiten duten jolasetan, ondo pasatu eta ikasteko.

Idatziak eta adierazpen grafikoari dagozkion bestelako adierazpen-formak (marrazkiak, irudiak, zenbakiak, etab.) bereiztea.

Gero eta autonomia handiagoz erabiltzea hizkuntza idatziaren euskarri askotarikoak; liburuak, egunkariak, ordenagailuak…

2. MULTZOA. Gorputz-hizkuntza

Gorputza eta mugimenduak egokitzea

Dramatizazio eta imitazioko jolasetan, dantzetan eta gorputz-adierazpena darabilten bestelako jolas-jardueretan parte hartzea.

3. MULTZOA. Matematika-hizkuntza

Elementuak sailkatzea

Elementuak mailaz maila antolatzea

Berdintasun eta desberdintasuneko loturak egitea (berdinak dira, gehiago dira…)

Eragiketa errazak egitea (kentzea, gehitzea, banatzea, etab.)

Inguruneko elementuen forma lauak eta hiru dimentsiokoak identifikatzea

4. MULTZOA. Arte-komunikazioko beste modu batzuk

Arteko trebetasun eta teknika oinarrizkoak erabiltzen hastea

Arte-adierazpenak baliatuz adieraztea eta komunikatzea gertakariak, sentimenduak, emozioak, bizipenak eta ametsak

Genero eta estilo askotako obra batzuk entzutea

2.4.– EBALUAZIO-IRIZPIDE ETA –ADIERAZLEAK

Askotariko hizkuntzak erabiltzea sentsazioak, emozioak, beharrizanak eta gogoak ezagutu, adierazi eta, arian-arian, erregulatzeko

Sentimenduak eta emozioak ezagutzeko eta bereizteko bidea egitea

...

Ahozko hizkuntza erabiltzea bere adinekoekin eta pertsona helduekin harremanak dituenean, komunikazio-xedeak aintzat hartuta eta entzuteko jarrera arretatsua eta errespetuzkoa izanda

Galderak egiten ditu gauzak hobetzeko ulertzeko.

…

Irakurtzeko eta idazteko jardueretan parte hartzea eta haiekiko interesa adieraztea.

Matematika-estrategia zenbait erabiltzea bizi duen mundua ulertzeko.

Artearen, teknologiaren eta ikus-entzunezkoen bitartekoak, materialak eta teknikak erabiliz adieraztea eta komunikatzea.

3.– METODOLOGIA KONPETENTZIEN ARABERAKO HEZKUNTZAREN IKUSPEGITIK

Ikasleen garapenean ematen den laguntzan esku hartzen duten aldagaien artean, alderdi bereizgarri hauek nabarmentzen ditugu:

Eguneroko bizitzako arazo-egoerak jolasaren eta saiakuntzaren bidez ebazteko aukera.

Egoera errealak hartu behar dira aintzat, eta benetako jarduerak proposatu.

Haurrak gogoz parte hartu behar du ezagutzak bilatu, ikasi, probatu, hausnartu...

Ezinbestekoa da hautatzea, zuzentzea, akatsak egitea, ebaztea, eta ondorioak ateratzea.

Hezitzaileak ikasteko testuinguruak edo egoerak diseinatzeko laguntzaile izan behar du.

3.1.– METODOLOGIA ETA EBALUAZIOKO ORIENTABIDEAK

HAUR HEZKUNTZA, EGINKIZUN PARTEKATUA

Beharrizan fisiologikoak, lotura afektibo egonkorrak, onartua sentitzeko eta gizartean hazi eta garatzeko egokiak, garapenerako ingurune pizgarria eta kultura-partaidetzarako balio egokiak.

SEGURTASUN AFEKTIBOA

Harreman horiek ongizateko, konfiantzako eta segurtasuneko sentimenduak sorrarazten dituzte eta atxikimendu-figurak ezartzea dakarte, haurrak baldintzarik gabe eskura izango dituela espero baitu.

ANIZTASUNAREN ZAINTZA

Aniztasun horri erantzun egokia emateko, berrikusi egin behar ditugu hezkuntzako eta esku hartzeko estiloa, familiekiko harremana, talde-lana eta ebaluazioa, eta, horrez gainera, ikastegi osorako erabakiak hartu behar ditugu.

HEZITZAILE TALDEAREN ESKU-HARTZE ESTILOA

Behaketatik abiatuta, arretaz entzun behar da, eta beharrezkoa denean soilik esku hartu.

Proposamen irekiak egin behar dira.

Testuinguruek ikasteko ingurune eta egoera askotarikoak eskaini behar dituzte eta askatasunez hautatzeko aukera eman behar dute.

IKASTEKO TESTUINGURU ASKOTARIKOAK ANTOLATZEA

EBALUAZIOA: PROZESUEN BEHAKETA

Ebaluazioko irizpide eta adierazle argiak, behatu eta erregistratzeko modukoak, adostu behar dira, jarraibide edo ildo batzuk ezarriko dituztenak, irakatsi eta ikasteko estrategiak eta prozesuak diseinatu, egokitu eta banakatzeko.

I. KAPITULUA: XEDAPEN OROKORRAK

1. artik: Xedea eta aplikazio-eremua. Xedea: berezko curriculuma ezartzea.

Aplikazio eremua: Euskal Autonomia Erkidegoan Haur Hezkuntzako bi zikloak

2. artik: Antolamendua. HH (0-6 urte) borondatezkoa bi ziklotan banatuta (0-3, 3-6)

3. artik: Haur Hezkuntzaren xedea: Haur guztien garapen osoa eta orekatua lortu, familien laguntzarekin, desberdintasunak hezituz eta elebitasuna lortu.

4. artik: Haur Hezkuntzako ikasleen irteera-profila. Xedea: ikasleak akuilatzea. Esperientzia-eremuei dagozkien etapa-, eduki- eta ebaluazio-irizpideen helburuak lagundu irteera-profila lortzeko.

II. KAPITULUA OINARRIZKO KONPETENTZIAK

5. artik: Konpetentzia eta oinarrizko konpetentziak. Konpetentzia da irakaskuntza eta hezkuntza-etapa bakoitzeko eduki propioak modu integratuan aplikatzeko gaitasuna, gure buruak garatzeko eta hurrengo ziklorako oinarrizko konpetentziak izateko.

6. artik: Oinarrizko zehar-konpetentziak: bizitzaren esparru eta egoera guztietan arazoak eraginkortasunez konpontzeko.

Hauek dira: hitzak,ikasteko konpetentzia, elkarbizitza, ekimenerako espiritua eta izateko konpetentzia.

7. artik: Diziplinetako oinarrizko konpetentziak eta esperientzia-eremuak: Bizitzaren esparruek eta egoerek sortzen dituzten arazoak eraginkortasunez konpontzeko behar diren oinarrizko konpetentziak dira.

Hauek dira: hizkuntza, mathematica, zientzia, teknologia, herritartasuna, arte eta motorra.

8.artk: Konpetentzien araberako hezkuntzaren printzipio metodologikoak: Inklusibitatea eta zuzentasuna aplikatzen direla eta arrakasta bermatzeko, metodologia onenak. Eskura ditugun baliabideak erabili arazoak konpontzeko.

9.artk: Elebitasuna eta eleaniztasuna. Sailak, elebitasuna sendotzea bultzatuko du. Bi hizkuntza ofizialen erabileran oreka eta berdintasuna bilatzea da hezkuntza-sistemaren xede. Ulermena eta hitz egiteko gaitasuna garatuz.

10.artk: Hizkuntzen trataera integratua eta integrala. Baliatuko da, printzipio hauek beteta: hizkuntzak irakasteak inklusioa, erabilera, oinarri komunikatiboa eta hiztunekiko jarrera izan behar du oinarrian

III. KAPITULUA CURRICULUMAREN ANTOLAMENDUA

11.artk: Curriculuma: Haur Hezkuntzako ikasgaien ikaskuntzako eta irakaskuntzako prozesuaren elementuei esango diogu.

12.artk: Haur Hezkuntza eremuak: esperientzia-eremuak bi dira: norberaren nortasunaren eta ingurune fisiko eta sozialaren eraikuntzaren eremua.

13.artk: ordutegia. Haur-eskolek zerbitzu zabala eskaini behar diete familiei 0-3 urte bitarteko etapan. 875 orduko ordutegia bete beharko da urtean.

IV KAPITULUA IKASTETXEEN AUTONOMIA ETA PROIEKTU INSTITUZIONALAK

14.artk: ezaugarri orokorrak: ikastetxeen autonomia da erabakiak beren kabuz hartzeko ahalmena, bai esparru pedagogikoan eta curriculumean, bai plangintzan, antolaketan eta kudeaketan.Hezkuntza Proiektua oinarri hartuta egiten diren proiektu instituzionaletan islatzen da.

15.artk: Ikastetxearen Hezkuntza Proiektua: Ikastetxearen Hezkuntza Proiektuak ikastetxeak bere autonomiatik abiatuta egindako hezkuntza-aukera eta jardun-ildo nagusiak jasotzen dituen proposamen integrala zehaztuko du.

Sartzen dira: ikastetxearen nortasunari gorputza ematen dioten ezaugarriak eta balioak.

16.artk: Ikastetxearen Curriculum Proiektua: ikastetxe bakoitzak Ikastetxearen Curriculum Proiektuan jasoko ditu Ikastetxearen Hezkuntza Proiektuan definituta dituen printzipioen eta curriculum arloko jardun-ildo nagusien zehaztapena, betiere bat etorriz dekretu honetan ezarritakoarekin.

Alderdiak: konpetentziak, helburuak, ebaluazio irizpideak,...etab.

17.artk: Ikastetxearen Hizkuntza Proiektua: Hizkuntzen irakaskuntzarekin eta erabilerarekin lotutako alderdi guztien plangintza da. Orobat bermatu beharko da hizkuntza-konpetentzia lortzen dela euskaraz, gaztelaniaz eta lehenengo atzerriko hizkuntzan.

18.artk: Programazio didaktikoak: arlo eta ikasgai bakoitzeko planifikazio-, garapen- eta ebaluazio-tresna da.

Osagaiak: oinarrizko zehar-konpetentziak eta diziplinazko konpetentziak eta integrazio-egoerak, helburuak, edukiak, ebaluazio adierazpena eta lorpenaren adierazleak eta erabaki metodologikoak eta didaktikoak.

19.artk: Familien lankidetza, inplikazioa eta prestakuntza.

Alderdiak: Ikastetxearen hezkuntza-printzipioak onartzea, familiaren ideologia eta morala errespetatzea legeetan ezarritako hezkuntza-printzipioen eta -balioen arabera, ikasleen bilakaeraren jarraipena egitea, bizikidetzako neurri zuzentzaileak hartzea, eta ikastetxearen eta familiaren artean harremanak egotea.

20. artk:Irakasleen prestakuntza eta ebaluazioa. Xedea: haurrari bere konpetentziak garatzen laguntzea.

Ezaugarriak: Ikastetxea ardatz, Hezkuntza inklusiboa garatzea, bikaintasuna sustatzea, Euskara eta atzerriko hizkuntzak sustatu, baliabide digitalak, langileen arteko lankidetza bultzatzea.

V KAPITULUA TUTORETZA, ORIENTAZIOA ETA ANIZTASUNAREN TRATAERA

21. artk: Tutoretza eta orientazioa. Tutoreak, tutoretza plana diseinatu atal hauekin: Tutoretzan landuko diren konpetentziak, helburuak eta edukiak, ikasleen premiei egokituta, ekintza horiek ikasturtean zehar egiteko plangintza eta tutoretza-plana ebaluatzeko irizpideak.

22. artk: Eskola-orientazioaren banakako txostena: Banakako eskola-orientazioko txosten bat egingo du tutoreak, familiei informazioa emateko. Haur Hezkuntzatik Lehen Hezkuntzarako igarobidea errazteko

23. artk: Aniztasunari erantzuteko neurriak: Ikastetxeek mekanismoak ezarriko dituzte garapen-erritmo desberdinak direla- eta hezkuntza-laguntza espezifikoak eskatzen dituzten premiak dituzten ikasleei ahalik eta goizen antzemateko.

24. artk: Hezkuntza-sisteman berandu sartutako ikasleak: Berandu eskolatutako ikasleren batek gabezia handiak baldin baditu ikastetxeko eskolatze-hizkuntzen ezagutzan, berariazko arreta emango zaio ikasle horri.

VI KAPITULUA IKASLEEN EBALUAZIOA ETA MAILA-IGOERAK

25. artk: Ikasleen ikaskuntza ebaluatzea: Ebaluazio jarraituan ikaslearen aurrerabidea ez bada egokia, indartze-neurriak ezarriko dira. Ziklo bakoitzean ezarritako gutxieneko helburuen eta ebaluazio-irizpideen berri emango diete ikastetxeek ikasleen gurasoei

26. artk: Ebaluazio-prozesua ikuskatzea: Ikuskariak, ikastetxeak bisitatzean eta banakako ebaluazioen emaitzak ezagututa, zuzendaritza-taldearekin bilduko dira emaitzak aztertzeko eta baloratzeko.

27. artk: Ebaluazio-agiri ofizialak

LEHENENGO XEDAPEN GEHIGARRIA.– Ezartzeko egutegia

Haur Hezkuntzako curriculuma 2015-2016 ikasturtean ezarriko da.

BIGARREN XEDAPEN GEHIGARRIA.– Erlijio-irakaskuntzak

Erlijio-irakaskuntzak jasoko dira Haur Hezkuntzako bigarren zikloan.

HIRUGARREN XEDAPEN GEHIGARRIA.– Hezkuntza sistema hobetzeko plana

Hezkuntza-eskumenak dituen sailak, hezkuntza-sistema hobetzeko beste plan bat aurkeztuko du.

XEDAPEN INDARGABETZAILEA.– Arauak indargabetzea

Indargabetu egiten da urtarrilaren 20ko 12/2009 Dekretua, Haur Hezkuntzako curriculuma zehaztu eta Euskal Autonomia Erkidegoan ikaskuntza horiek ezartzen dituena

AZKEN XEDAPENA.– Indarrean jartzea

Dekretu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.