by Laida Lanzeta 12 years ago
809
More like this
Eskolan, mundua ezagutu ahal izateko leiho bat bihurtu daiteke arbela digitala. Egoera ezberdinen simulazioen bidez, hezkuntza aukera aberatsagoak, motibagarriagoak eta anitzagoak eman diezazkiekegu ikasleei.
Inguruko errealitatea esperimentazioaren bidez ezagutzeaz gain, aurrean ez dugun errealitatea ekar dezakegu gelara arbela digitalaren bidez; ezin dugu ahaztu, ordea, arbela digitala hezkuntzaren zerbitzura egon behar duen beste tresna bat, besterik ez dela; ezin dugu tresna bakarra bihurtu, ezta helburua ere. Arbela tradizionalaren ordez arbela digitala sartze hutsak ez du bermatuko hezkuntza ereduak eskatzen duen aldaketa, lagungarria suerta badaiteke ere. Youtuben: “Tesis: aprender a aprender”
Eskolan, arbela digitalen erabileraren bidez, ikasleek egiten duten teknologi berrien erabilera arduratsua bultza dezakegu, informazioa eta ezagutza berriei heltzea, eta intereseko gaietan sakontzea ahalbidetzen duelako, eta ikasleen parte hartzea baimentzen duelako. (Youtube: “Tecnología… ¿Buena o mala?”) Hala ere, izan daiteke, ikasle guztiok batera, irakasleak gidaturik, ekintza ber berak egitea sistema honen bitartez, betiko ereduak errepikatuz.
Argi dago beraz, IKTek hezkuntza sistemako parte izan behar dutela eta haien esku etor daitekeela hain beharrezkoa den hezkuntza eredu aldaketa, baina eskolak tresna berriez bete baino lehen, irakasleriak, hauen erabileraren inguruko formakuntza egokia eta jarreraren aldaketa izan behar du; bestela, diru gastatze hutsa baino ez da izango geletan tresna berrienak sartzea, eta gaur egungo krisialdi ekonomikoa dela eta ezin dugu horrelakorik onartu.
Urnietako Presentación de Maria ikastetxean egindako behaketaren emaitzak.
Emaitza hauetan, arbela digitalaz gain bestelako IKT-en emaitza ere adierazten ditugu.
Bi Teamboard dituzte:
- Haur Hezkuntzako 5A gelan
- Haur Hezkuntzako 4B gelan
3 Smartboard dituzte:
- Gela digitala deritzon gelan
- Bideo gelan
- Lehen Hezkuntzako 6. Mailan
21 Notebook dituzte erabilgarri ikastetxean eta Lehen Hezkutnzako etapa guztietan erabiltzen da.
INKESTA:
Julen (5urteko ikaslea)
. Ezagutzen al duzu Arbela Digitala?
- Bai, gelan daukagu.
. Gustatzen zaizu?Zergatik?
- Bai. Jolasa ematen duelako baina lanak dira.
.Zer egiten duzue arbela digitalean?
- Ipuinak ikusi, matematika, abestu, irudiak ikusi...
.Zer da gehien gustatzen zaizuna Arbela Digitalean?
- "Ahorkadora" jolastu.
.Zer nahiago duzu betiko Arbela ala Arbela Digitala?
- Arbela digitala, ipunak ikusi daitezkelako.
INKESTA:
Nekane Kortaxarena (5urteko tutora)
. Nola aurreikusi zenuen Ikastetxean Pantaila Digitalaren ezarpena?Zergatik?
- Gogoz, entzunda nuen erabilgarritasuna eta proban jartzeko irrikitan nengoen. Oso praktikoa izan zitekeela iruditzen zitzaidalako.
. Eta uste bezelakoa izan da praktika, zein eragozpen aurkitu duzu?
- Arazoa, hasieran pantailak jarri eta beranduago izan zela formakuntza. Formakuntza gabe ia apaingarri bezala zegoen gelan, orain formakuntza jaso eta gero asko ari gara erabiltzen.
. Formakuntza nahikoa izan al da zure iritziz?
- Bueno, oinarrizkoa, hasieran smartboardarena jaso genuen baina Haur Hezkuntzan Teamboard-ak ditugu eta aurreaxeago antolatu behar izan zuten Teamboard-ko praktika.
. Aldaketa handia izan al da ikasgelan?
- Bai, haurrei asko gustatu zaie eta gehiago parte hartzen dute. Eguneroko ikas materiala modu bisualean azaltzen laguntzen du.
. Zein da beraz Arbela Digitalarekiko zure iritzia?
- Oso ondo dagoela, haurrak gehiago parte hartzen dute eta guretzat aukera asko irekitzen dizkigu, ariketak moldatu zailtasunak badaude, irudi eta soinuez erreforzatu etab...
Gizakia, gizartean bizi denetik, pertsonen heziketa oso garrantzitsua izan da, baina hasieran ez zen orain bezala: lehenengo gizarte taldeetan ez zegoen irakaslerik, ez eskolarik ezta doktrina pedagogikorik, hala ere, gizakiak hezitzen zituzten.
XX. mendera arte, irakasteko artea ez da zientzia kontsideratu: pedagogia. Baina, aitzinean, irakasteko artea, lehen mailako zibilizazioetako ezaugarri garrantzitsuetariko bat zen (grekoak kasu). Erdi aroan, hezkuntza, gizarteko goi mailako pertsonendako erreserbatua zegoen, kutsu erlijiosoa zeukalarik.
XVII. mendean, zientzia askoren garapen azkarra
eman zen, eta ezagutza zientifikoaren alde jokatuko zuten erakunde ezberdinak sortu ziren. Honek, Europako herrialde ezberdineko pentsalarien arteko ideia, zientzia eta kulturaren inguruko informazioa elkartrukatzea ahalbideratu zuen.
XVIII. mendean, lehenengo hezkuntza sistemak sortu ziren Europan; Errusian, hain zuzen ere lehenengo aldiz hezkuntza formala sortu zen eredu monitorizatua erabiliz, hau da, irakasle bat eta ikasle laguntzaile batzuen esku, ehunaka pertsonak hezkuntzari heldu ahal zioten.
XIX. mendean, industriako iraultzarekin batera, Europan zehar nazioetako hezkuntza sistema unibertsalak antolatu ziren, ikasleak lantegietan lan egiteko prestatzeko. Hauxe da gaur egun arte luzatu den hezkuntza eredua; esan beharra dago, eskolaratze unibertsalak aurrera pauso izugarria izan zela kultura zabaltzeko eta pertsona guztion alfabetizazioa lortzeko. Hala ere, azkeneko 60 urtetan, gure inguruko gizartean aldaketa handiak eman dira eta hauek, eskola erakundean aldaketa batzuk exijitzen dtuzte.
Gaurko gizartean IKTak egunerokotasuneko parte bat dira, eta ikasleen esku daude, beraz, eskola erakundeak ezin du beste alde batera begiratu, ezin ditu tresna berri hauek kanpoan utzi, ikasleen bizitzako errealitate bat baitira.
Teknologi berriak, informazioari heltzeko tresnarik potente eta erabilgarriena bihurtu dira, eta urte gutxitan eskolaren papera zalantzan jartzea lortu dute. Esan bezala, duela gutxi arte, eskola zen informazioa eta ezagutza lortzeko bide bakarra (edo ia bakarra) eta ondorioz, eduki kontzeptualak zabaltzea zen bere funtziorik garrantzitsuena; gaur egun ordea, IKTi esker, edonork heldu diezaioke edozein informazioari edozein momentutan eta edozein lekutan; zentzu honetan, eskolak informazioaren “monopolioa” galdu duela eta bermoldatzeko fasean sartu beharko lukeela esan dezakegu, hau da, eskola erakundea orain arte ezagutu izan dugun zentzuan krisialdian dago.
• Prezisioa eskatzen duten lanetan arazoak, ez du nahi bezain haina definizio ematen.
• Oso erakargarria den bezala menpekotasuna sor dezake.
• Ikusmen arazoak sor ditzake denbora luzez aritzean.
• Orokorrean IKT-ak ikastetxean erabiltzeak ondoren etxean izateko beharra pizten du eta garestiak dira.
• Ezjakintzasunak birusak sartzea ahalbidetzen du eta honek arazo larriak ekar ditzake, bai informazio zein aparatuan.
• IKTak behar adina ez menperatzea (formakuntza falta, beldurra, urduritasuna…)
• Ikastetxeko maila guztien eskura jartzeak antolaketa arazoak sortzen ditu.
• Irakasleen lan-baldintzak ez hobetzea edota kaltetzea: ez du konpentsatzen, denbora falta, baliabide urriak, bazterketa teknologikoa…).
• Ezinbesteko irakaslegoaren formakuntza beharra.
• Garestia da.
• Beste ikasleek sortutako materiala didaktikoki aprobetxatu daiteke.
• Ikus-entzunezko bitartekoen erabilpenak irakasleek ematen dituzten azalpenak errazago jarraitzen dituzte ikasleek.
• Ikasleek atentzio, motibazio eta interes gehiago agertzen dute: hobeto jarraitzen dutelako irakas-saioa eta edukiak hobeto ulertzen dituztelako.
• Ikasleen parte hartze aktiboagoa da; izan ere, aukera ederra ematen baitu ikasleen lanak egin eta aurkezteko.
• Zailtasunak dituzten ikasleentzat aukera anitz, letra tamaina handitu, ariketa birmoldatu, grafiko baten bidez lagundu...
• Beste irakasleek sortutako materiala didaktikoki aprobetxatu daiteke.
• Aniztasunaren trataera eta berrikuntza pedagogikorako material gehiago irakasleen eskura.
• Gelako jarduretan IKTak erabiltzeko aukera: informazioa bilatu, lanak egin eta aurkeztu….
• Tresna xumea, baliagarri, integratzailea eta dinamikoa.
• Irakas-saio gustagarri eta ikusgarriagoak.
• Arbela digitalaren erabilpenak multimedia-informazio interaktibo iturri agortezina da gelan eta bat-batekoa gainera.
Berrikuntza guzti honek ez du nahi bezain haina indar izango ez bazaio dagokion aldaketa sistematikoa aplikatzen.
Bakoitzaren beharrei egokitu daiteke.
Errazago ikasten da animazio eta narrazioaren bitartez, irudi eta testu bidez baino.
Testu, irudi eta soinu ezberdinak erabiltzeak laguntzen du.
Denbora berean irudi eta testu deberdinak aurkezteko aukera.
Ikasleak hitz eta irudiak dagokienean hurbilago ikusteak lagungarri zaie.
Ikasleek hobeto ikasten dute hitz eta irudien bitartez, hitzez soilik baino.
Parte-hartzaileen sormen garapena sustatuko da bakoitzaren erritmo eta konpetentzia errespetatuz.
Teoria gutxi eta praktika saio ugari izango ditu.
Heldutasun teknologikoa ez da berdina, beraz, partehartzailearen errealitatea eta konpetentzia-maila errespetatuko da.
Formakuntza-saioetan eta irakas-saioetan Arbela Digitalaren erabilpena sustatu, animatu, eta erabiltzeko baliabide erraz bat dela azalduko da.
