по Ikate Tknika 25 дней назад
494
Больше похоже на это
Ikastetxeko zerbitzu digitalak txukun eskaintzeko ezinbestekoa da azpiegitura digital sendo eta egokiak izatea. Horretarako, ikastetxeak zerbitzu eta azpiegitura digital hauen kudeaketa eta mantentzea burutzeko dokumentazioa eduki behar du, adibidez plan eragile bat. Ezinbestekoa da erabiltzailearentzako zerbitzuak erdigunean jartzea ere, laguntza teknikoa eskainiz eta inklusio digitala bermatuz.
Ikastetxeak ikaskuntzarako gune digitalizatuak eskaini behar ditu ikaskuntza hobetzeko. Besteak beste, murgiltze-teknologiak dituztenak, multimedia baliabideak sortzekoak eta lankidetzarako eta elkarrekintzarako guneak eskainiz.
Garrantzi haundi eman behar zaio, cloud computingeko aroan, nonahiko ikaskuntzari; banda zabaleko interneteko konexioak ahalbidetuz eta BYOD politikak (norberak bere dispositiboa ikastetxera ekartzeak) sustatuz.
Ikastetxeak informazio teknologien sistemak babesteko neurriak hartu behar ditu, besteak beste, segurtasun perimetrala eta baimenik gabeko sarrera saiakeren detekzio eta babesa. Aldi berean, datuen osotasuna eta zerbitzu digitalen erresilientzia bermatu behar da; datuen segurtasun kopien, kontingentzia planen eta hauen simulazioen bidez. Beti ere, aipatutako babes eta neurri hauek ezartzeko beharrezkoak diren politikak definituz. Ahaztu gabe pertsonen prestakuntzak (langile, irakasle, ikasle…) duen garrantzia gai hauen inguruan.
Ikastetxeak datuen osotasuna eta funtsezko zerbitzu digitalen funtzionamendu egokia bermatu behar du. Horretarako, funtsezko zerbitzuen mantentze, eguneratze eta berreskuratze prozedurak definituta eta indarrean izan behar ditu eta aldizka berrikusi egin behar ditu. Horrez gain, Ikastetxeak kontingentzia-planean definitutako neurriak jarraitu behar ditu edozein gertakariren aurrean.
Ikastetxeak informazio teknologien sistemak babesteko neurriak hartu behar ditu; besteak beste, segurtasun perimetrala indartzea, edota baimenik gabeko sarrera saiakeren detekzio eta babesa gauzatzea. Aldi berean, segurtasunari buruzko dokumentazio osoa modu zentralizatuan gorde behar da eta gertakarien kudeaketa burutu. Beti ere, aipatutako babes eta neurri hauek ezartzeko beharrezkoak diren politikak definituz.
Nonahiko ikaskuntzaren aroan, ikastetxeko langile eta ikasleek baliabide digitalak edozein lekutatik, noiznahi eta edozein dispositibotatik eskuratzeko aukera izan behar dute. Horretarako, interneteko ahalmen altuko eta segurua den sarbidea eskaini behar da ikastetxe guztian.
Ikastetxeak ikasle, irakasle eta langileei beharrezko baliabide digital guztietara sarbidea izatea bermatu behar die; edozein lekutatik, noiznahi eta edozein gailu mota erabiliz.
Ikastetxeak, WiFi sarea ikastetxe osoko gela eta guneetan kalitatezkoa, azkarra eta segurua izatea bultzatu behar du; unean uneko ahalmen, segurtasun eta abiadura egokiak izan daitezen, ikastetxeak hobekuntza neurriak bultzatu eta gailuak berritu behar ditu.
Ikastetxeak internet zerbitzua bermatzeko eta akatsen aurrean modu egokian erantzuteko kontingentzia-plana izan behar du, konexio arazoen aurrean azkartasunez eta modu egokian erantzun ahal izateko.
Ikastetxeak, interneteko sarbidea ikastetxe osoko gela eta guneetan izatea ahalbidetu behar du; unean uneko ahalmen, segurtasun eta abiadura egokiak izan daitezen, ikastetxeak hobekuntza neurriak bultzatu eta gailuak berritu behar ditu.
Ikastetxeak ikaskuntzarako gune digitalizatuak eskaini behar ditu ikaskuntza hobetzeko. Besteak beste, murgiltze-teknologiak dituztenak, multimedia baliabideak sortzekoak eta lankidetzarako eta elkarrekintzarako guneak eskainiz eta BYOD politika (norberak bere dispositiboa ikastetxera ekartzea) sustatuz. Hori guztia, erabilgarritasuna, irisgarritasuna eta erabiltzailearen esperientzia optimizatuko dituzten teknologia eta baliabide digitalak erabiliz.
Ikastetxeak, irakasleak modu digitalean komunikatu, kolaboratu eta elkarreragiteko guneak prestatu eta horien erabilera sustatu behar du.
Ikastetxeak ikus-entzunezko edukiak sortzeko helburua duten leku egokiak (grabazio-estudioa) eta baliabide teknikoak (kamerak, pantailak, errelizazio mahaia, kroma, ) prestatu eta erabilera sustatu behar du, irakasleen eskuragarri jarriz. Bertan sortutako edukiek, ikaskuntza prozesuan txertatzeko helburua izan behar dute, horretarako zentralizatu eta antolatutako eduki-biltegi batean.
Ikastetxeak gailu pertsonalak ikaskuntza prozesuan erabiltzea sustatu behar du. Horretarako eraldaketa digitalerako taldearen (eraldi) bidez, gailu pertsonalen erabilera-politika zehaztu eta eduki eta baliabide guztietarako sarbidea eta erabilera bermatu behar du.
Ikastetxeak ikaskuntza prozesua hobetu eta aberasteko teknologia eta baliabide digitalak ezarri eta sustatu behar ditu; bai ingurune fisikoan (zentzumenezkoa, estimulazioa,...), baita ikaskuntza ingurune birtualean ere.
Erabiltzailearen esperientzia hobetzeko ezinbestekoa da ikastetxeak identifikatutako zerbitzu digital nagusientzat laguntza teknikoa eskaintzea erabiltzaileari; modu horretan zerbitzu digitalak eraginkortasunez kudeatu ahal izateko. Horretarako, intzidentzien kudeaketa ere, modu antolatuan egiteko protokoloak zehaztu behar dira eta laguntza teknikorako baliabideak (ikastaroak, laguntza-materialak, FAQ…) sortu behar dira jarraibideak definituz.
Ikastetxeak eskaintzen dituen zerbitzu digitalen erabilpenari buruzko baliabideak (jarraibideak, prestakuntza-eskaintza…) erabiltzaileen eskura jarri behar ditu.
Ikastetxeak erabiltzaileei laguntza teknikoa emateko zerbitzua izan behar du martxan; gertakari ohikoenentzako erabiltzailearentzat prestakuntza eta laguntza materialak diseinatu eta erabiltzailearen eskura jarri behar dituelarik.
Ikastetxeak gertakariak kudeatzeko inbentarioarekin lotuta dagoen softwarea izan behar du erabilgarri eta software horrek ekipamenduarekin izandako gorabeheren historikoa azaltzeko gai izan behar du.
Ikastetxeko zerbitzu digitalak txukun ezarri eta eskaintzeko ezinbestekoa da azpiegitura digital sendo, fidagarri eta egokiak izatea. Horretarako, ikastetxeak zerbitzu eta azpiegitura digital hauen kudeaketa eta mantentzea burutzeko dokumentazioa eduki behar du, besteak beste plan eragile bat. Ezinbestekoa da erabiltzailearentzako zerbitzuak erdigunean jartzea ere, laguntza teknikoa eskainiz eta inklusio digitala bermatuz.
Ikastetxeak hodeiko (cloud computingeko) azpiegiturak eduki behar ditu eskuragarri, besteak beste ikastetxeko azpiegitura digitalekin ase ezin daitezkeen beharrei erantzuteko.
Ikastetxeak prebentziozko mantentze-lanak gorabeheren historikoaren arabera diseinatu eta egikaritu behar ditu eta funtsezko zerbitzu digitalak aldiro gainbegiratu behar ditu.
Ikastetxeak gailu digitalak eskuratzeko eta konektagarritasun zailtasunak dituzten ikasleei laguntzeko prozedura izan behar du urteko planean txertatuta; prozedura honek beharren identifikazioa errazteko eta beharrezko neurriak hartzeko balio behar duelarik.
Ikastetxeko eraldaketa digitalerako taldeak (eraldi) azpiegitura eta eskainitako zerbitzu digitalak zehatz-mehatz jasotzen dituen dokumentazio eguneratua definituta izan behar du.
Ikastetxeko eraldaketa digitalerako taldeak (eraldi) zerbitzu digitalen arlo guztiak aintzat hartzen dituen kudeaketarako eta zuzendaritzaren onespena duen plan eragile bat definituta izan behar du.
Eraldaketa digitalak ikaskuntza-prozesuaren hobekuntzan lagundu behar du esanguratsuagoa eta errealagoa izan dadin. Horretarako eraldaketa digitalerako hausnarketa metodologikoa ikastetxe osorako egin behar da eraldaketa digitalerako taldearen (eraldi) laguntzarekin, ondoren hausnarketa horren emaitzak prestakuntza ziklo eta ikastaroetan ezartzeko. Hori dela eta, ikaskuntza-prozesu eta ebaluazio estrategiaren diseinua, datu-analisian oinarrituta egin behar da. Hari berean, baliabide digitalen sorrera edo berrerabilpena, prestakuntza-estrategiari egokituta egin behar da; beraien kudeaketarako dagozkion babesa eta banaketa ziurtatuz.
Ikastetxeak ikaskuntza plataforma bat izan behar du prestakuntza eskaintzaren euskarri gisa. Gainera, baliabide digitalak (besteak beste, eduki digitalak) modu ordenatuan antolatu behar dira eta ikastetxeak hauen aukeraketari eta erabilera-politikari buruzko erabakiak hartu behar ditu. Horrela, irakaskuntza eta ikaskuntza edonon eta edonoiz gauzatzeko aukera bermatuko da. Ikastetxeak irakasle zein ikasleentzat egiletza-tresnak eskuragarri jarriko ditu, helburua eta hartzailearen arabera pertsonalizatutako eduki digitalak sortu ahal izateko.
Ikasleen gaitasun tekniko zein zeharkakoak landu ahal izateko, ikastetxeak egoera pertsonalizatuak diseinatu eta simulagailu bidezko murgiltze inguruneak bultzatu behar ditu.
Prestakuntza-eskaintzan erabiliko diren edukiak garatu ahal izateko, ikastetxeak egiletza-tresnak identifikatuta eta irakasleen eskuragarri izan behar ditu. Era berean, eduki horiek nola sortu zehaztuko duen eredu-gida bat sortu eta sustatu behar da.
Ikastetxeko prestakuntza-eskaintza ikaskuntza-plataforma bakar batean eskaini eta partekatu behar da. Aldi berean, honen erabilera-politikak definituta egon behar du.
Irakasleek, beraiek edo beste batzuek sortutako edukiak ikastetxearen eta besteen eskura jarri behar dituzte, jabetza intelektualaren Legea errespetatuz eta beraien lanak behar bezala lizentziatuz. Hortaz, ikastetxean eduki eta baliabide digitalen banaketa modu egokian egiteko, zikloek eduki biltegi bat izango dute behar bezala ordenatua eta etiketatua mantendu beharko dena.
Irakasle-taldeak modu erraz batean etiketatu eta ordenatu behar ditu prestakuntza-eskaintzarako erabilitako baliabide eta eduki digital guztiak, ikastetxeko edukien biltegian modu seguruan biltegiratu eta banatu ahal izateko.
Irakasle taldeak ikastetxe osoaren eskura jarri behar ditu prestakuntza-eskaintzarako sortu eta/edo erabilitako edukiak , betiere jabetza intelektualaren legea errespetatuz eta behar bezala lizentziatuz.
Zikloko irakasle taldeek, prestakuntza-estrategia oinarri hartuz sortu edo/eta egokitu behar dituzte baliabide digitalak. Hori lortzeko, garrantzitsua da irisgarritasuna bermatuko duten neurriak txertatzea. Bestetik, baliabide horiek egokitzeko, berrikusteko eta etengabe hobetzeko, aurrez lortutako datuen analisian oinarritu behar da. Horrela, baliabideek beren funtzioa betetzen duten edo ez zehaztu eta hobetzeko neurriak hartzen lagunduko die irakasleei.
Irakasle taldeak baliabide digitalen egokitzapena, berrikuspena eta etengabeko hobetzekuntza, aurrez lortutako datuen analisian oinarrituz burutu behar du. Modu honetan, baliabideen egokitasuna aztertzen eta hobekuntza neurriak hartzen lagunduko du.
Irakasle taldeak prestakuntza-estrategia oinarri hartuz, baliabide digitalak sortu eta/edo egokitu behar ditu ikasleen erritmo, modu eta beharrei erantzuteko.
Irakasle taldeak, beraiek sortutako baliabide digitalak eta besteek sortutakoak, ikastetxeko ikaskuntza-plataforman integratu eta ikasleen eta irakasleen eskura jarri behar ditu.
Ikastetxeak baliabide digitalak sortzeko politika zehatzak definitu eta sustatu behar ditu, erabilitako baliabide digitalak ikaskuntzarako eraginkorrak eta onuragarriak direla bermatuz. Horiek, kalitatezkoak, ekitatiboak, eraginkorrak eta seguruak izan behar dute, genero-tratamendua, tratamendu inklusiboa eta irisgarritasun tratamendua kontuan hartuz.
Ikastetxeak datuen analisia erabiltzen du ikaskuntza-prozesuak, ebaluazio-estrategia eta ikasleen prestakuntza- eta lanbide-profilari banakako arreta estrategia diseinatzeko. Horretarako, ikasleen eta beraien ikaskuntza testuinguruaren datuak biltzen dira, irakasleek horiek aztertu eta ondorioak atera ditzaten. Ekintza horiek informazioaren kudeaketa segurua eta babestua bermatzen duten teknologiekin egin behar dira. Guzti honen helburua, ikaskuntza-prozesuaren eta ebaluazio- eta arreta-estrategien gaineko erabakiak hartzea, planifikazioa eta emaitzak hobetzea dira.
Irakasle taldeak ikaslearen profila eta beraren beharrak aztertu behar ditu, aurretiazko datuen analisian oinarrituta. Datu horiek, etorkizuneko kontingentziei aurrea hartzeko jarduketa-planen definizioan lagungarriak izan daitezke, ikasleek behar izan ditzaketen premia bereziei eta errefortzu-beharrei erantzuteko.
Irakasle taldeak ebaluazio-estrategiaren diseinua eta berrikuspena, aldez aurreko datuen analisian oinarritu behar du. Datu horiek, ikasleen eta beraien ikaskuntza testuingurutik biltzen dira, informazioaren kudeaketa segurua eta babestua bermatzen duten teknologiak erabiliz. Modu honetan, ebaluazio-estrategia gaineko erabakiak hartzea, planifikatzea eta emaitzak hobetzea erraztuko da.
Irakasle taldeak ikaskuntza-prozesuaren diseinua eta honen berrikuspena, aldez aurreko datuen analisian oinarritu behar du. Datu horiek, ikasleen eta beraien ikaskuntza testuingurutik biltzen dira, informazioaren kudeaketa segurua eta babestua bermatzen duten teknologiak erabiliz. Modu honetan, ikaskuntza-prozesuaren gaineko erabakiak hartzea, planifikatzea eta emaitzak hobetzea erraztuko da.
Ikastetxeak ikaskuntzaren eraldaketa digitala bultzatu behar du hausnarketa metodologikoan oinarrituz. Hausnarketa honen emaitza izango da ere beharrezkoak diren teknologia eta eduki digitalak ikaskuntza-prozesuan txertatzea; ikaskuntza pertsonalizatua ahalbidetuz. Baliabide digital hauen artean ikaskuntza-azeleragailuek protagonismo berezia izango dute prestakuntza-diseinuan; uneoro eta edozein tokitatik egongo direlarik eskuragarri. Garrantzitsua da ere datu-analisia ebaluazioaren mesedetan erabiltzea, hau da, ikaslearen arrasto digitala ebaluaziorako ebidentzia gisa erabiltzea.
Irakasle taldeak arrasto digitala uzten duten jarduerak txertatu eta erabiltzea sustatu behar du datu-analisia ikaslearen ebaluaziorako ebidentzia gisa erabiliz ikaslearen progresioaren eta lorpenen trazabilitatea hobetzen baita.
Irakasle taldeak ikaskuntza-azeleragailuak (adibidez simulagailuak) prestakuntza-diseinuan txertatzea eta erabiltzea sustatu behar du, beti ere ikasleek egin beharreko jarduerak indartu eta beraien gaitasunak lantzeko asmoz, uneoro eta edozein tokitatik egongo direlarik eskuragarri.
Irakasle taldeak ikaskuntza prozesuaren eraldaketa digitala bultzatu behar du teknologia eta eduki digitalaz baliatuz eta horri esker, ikasleen ikaskuntza pertsonalizatua ahalbidetuz.
Ikastetxeak ikaskuntzaren eraldaketa digitala bultzatu behar du hausnarketa metodologikoan oinarrituz, eraldaketa digitalerako taldearen laguntzarekin.
Irakasle batek gaitasun digitalak landu, garatu eta barneratu behar ditu, irakasle lanbidearekin lotutako zereginak aurrera eraman eta irakaskuntza eta ikaskuntza prozesuan aplikatzeko.
Zentzu horretan, hezitzailearen gaitasun profesionalak lantzeak irakaslea digitalki komunikatzea, elkarlanean aritzea eta profesionalki garatzea ahalbidetuko du. Bestetik, Hezitzailearen gaitasun pedagogikoek, irakaskuntza eta ikaskuntza estrategia eraginkor, inklusibo eta berritzailea sustatzea erraztuko dio. Azkenik, berebiziko garrantzia hartzen du ikasleen gaitasun digitalak erraztu eta sustatzeak ere, hots, ikasleak aro digitalean, bizitzan eta lanean aktiboki parte hartzeko prestatzea.
Ikasleen gaitasun digitalak sustatu ahal izateko, irakasleak gaitasun pedagogiko espezifikoak garatu behar ditu, hau da, ikasleek teknologia digitalak sormenez eta arduraz erabiltzeko, informatzeko, komunikatzeko, edukiak sortzeko, ongizaterako eta arazoak konpontzeko.
Irakasleak gaitasuna izan behar du irakaskuntza- eta ikaskuntza-prozesuan jarduerak diseinatu, inplementatu eta integratzeko, zehazki arazo teknikoak identifikatu eta konpontzean edota ezagutza teknologikoa sormenez beste egoera batzuetara transferitzean ikasleen gaitasun digitalak garatzeko eta ebaluatzeko.
Irakasleak gaitasuna izan behar du irakaskuntza- eta ikaskuntza-prozesuan jarduerak diseinatu, inplementatu eta integratzeko, zehazki arriskuen kudeaketan ahalduntzean eta teknologia digitalak modu seguru eta arduratsuan erabiltzean ikasleen gaitasun digitalak garatzeko eta ebaluatzeko.
Irakasleak gaitasuna izan behar du irakaskuntza- eta ikaskuntza-prozesuan jarduerak diseinatu, inplementatu eta integratzeko, zehazki baliabide digitalen bidezko adierazpenean eta eduki digitala hainbat formatutan egokitzean eta sortzean ikasleen gaitasun digitalak garatzeko eta ebaluatzeko. Horretaz gain, baita lizentziamendua nola aplikatu eta iturrien aipuak egitean.
Irakasleak gaitasuna izan behar du irakaskuntza- eta ikaskuntza-prozesuan jarduerak diseinatu, inplementatu eta integratzeko, zehazki komunikazio eta lankidetza digitalean ikasleen gaitasun digitalak garatzeko eta ebaluatzeko.
Irakasleak gaitasuna izan behar du irakaskuntza- eta ikaskuntza-prozesuan jarduerak diseinatu, inplementatu eta integratzeko, zehazki informazio eta alfabetatze mediatikoan ikasleen gaitasun digitalak garatzeko eta ebaluatzeko.
Irakasle taldeak ikasleen gaitasun digitalak lantzeko, ikaskuntza prozesuko jarduera digitalak zeharka txertatu eta ebaluatzeko ebidentziak definitu behar ditu. Betiere, aldian-aldian berrikusi, hobetu eta aplikatuz eredu metodologikoaren mesedetan.
Ikastetxeak ikaskuntza eskaintza guztian ikasleen gaitasun digitalak sustatu behar ditu; ikasleen irteerako profilaren zehaztapena oinarri hartuz eta eraldaketa digitalerako taldearekin adostuz.
Irakasleak irakaskuntza- eta ikaskuntza-estrategia eraginkor, inklusibo eta berritzaileak sustatzeko beharrezkoak diren gaitasun pedagogiko-digitalak garatu behar ditu, hots, nola erabili teknologia digitalak modu eraginkor eta berritzailean, irakaskuntza eta ikaskuntza planifikatzean, aplikatzean, ebaluatzean eta ikasleak ahalduntzean.
Irakasleak gaitasuna izan behar du teknologia digitalak erabiliz gai baten inguruan ikasleen partaidetza aktiboa eta sormenezkoa sustatzeko; beti ere, ikasleen zeharkako abileziak, hausnarketa, pentsamendu kritikoa eta sormen-espresioa bultzatuz. Kontuan izan behar da ikaskuntza mundu errealeko testuinguru berrietara zabaltzeaz, ikasleak inplikatzen dituztenak jardueretan.
Irakasleak gaitasuna izan behar du teknologia digitalak erabiliz ikasleen askotariko ikaskuntza-premiei erantzuteko, ikasleei aukera emanez nork bere abiaduran aurrera egiteko eta nork bere ikaskuntza-ibilbide eta -helburuei jarraitzeko.
Irakasleak gaitasuna izan behar du teknologia digitalak erabiliz ikasle guztien ikaskuntza errazteko, testuinguru-oztopoak kenduz haien presentzia, parte-hartzea eta aurrerapenak errazteko; beti ere, baliabide digitaletarako irisgarritasun fisikoa, sentsoriala eta kognitiboa bermatuz. Ekitatea sustatzen duten eta arrakala digital eta desberdintasun soziokulturalek eta ekonomikoek ikaskuntzan duten eragina murriztea edo konpentsatzea ahalbidetzen duten neurriak hartuz.
Irakasleak gaitasuna izan behar du teknologia digitalak erabiliz ikasleei feedbacka emateko, eskainitako informazioaren pribatutasuna eta segurtasuna errespetatuz. Honen bidez, irakaskuntza-estrategiak egokitu eta lortutako datuetatik abiatuta berariazko errefortzua emateko ikasleei. Ahaztu gabe, ikasleei eta familiei informazioa emateaz eta teknologia digitalek emandako ikaskuntza-ebidentziak ulertzen laguntzeaz, erabakiak hartzeko erabil ditzaten.
Irakasleak gaitasuna izan behar du ikasleen jarduerari, errendimenduari eta aurrerapenari buruzko ebidentzia digitalak sortzeko, biltegiratzeko, baliozkotzeko, hautatzeko, aztertzeko eta interpretatzeko, horrela irakaskuntza- eta ikaskuntza-prozesua hobetzeko helburuz (datuen babesari buruz indarrean dagoen araudia errespetatuz).
Irakasleak gaitasuna izan behar du teknologia digitalak erabiliz ebaluazio diagnostiko, formatibo eta batutzailerako tresna eta bitartekoak diseinatzeko (datu pertsonalen segurtasun- eta babes-neurriak betez); beti ere, ebaluazio-formatuen eta -planteamenduen aniztasuna eta egokitasuna hobetuz.
Irakasleak gaitasuna izan behar du teknologia digitalak erabiliz autoerregulatutako ikaskuntza prozesuei laguntzeko, hala nola ikasleei aukera emateko beren ikaskuntza planifikatu, ebaluatu eta horretaz hausnartzeko, aurrerapausoak somatzeko, ezagutza partekatzeko eta sormenezko konponbideak bilatzeko.
Irakasleak gaitasuna izan behar du teknologia digital seguruak hautatu eta erabiltzeko, modu honetan ikasleen ikaskuntza beraien arteko lankidetzaren bidez hobetzeko.
Irakasleak gaitasuna izan behar du teknologia digitalak erabiliz (datuen segurtasun eta babeserako neurriak betez) ikasleekiko elkarrekintza indibidual eta kolektiboa hobetzeko (ikaskuntza-saioen barruan eta kanpoan) eta orientazio eta laguntza egokia eta espezifikoa eskaintzeko. Beti ere, orientazioa eta laguntza eskaintzeko bide eta formatu berriak garatu eta esperimentatuz, ikasle guztien eskubide digitalak errespetatuz eta edozein diskriminazio edo alborapen mota saihestuz.
Irakasleak gaitasuna izan behar du programazio didaktikoetan teknologia digitalen erabilera modu sortzailean, seguruan eta kritikoan txertatzeko, irakaskuntza-praktiken eraginkortasuna hobetzeko asmoz. Horretarako, esku-hartze didaktiko digitalak behar bezala kudeatu eta koordinatuz, eta gailuen, baliabideen eta zerbitzuen funtzionamendua ziurtatuz; ahaztu gabe, irakaskuntzarako eta ikaskuntzarako formatu eta metodo pedagogiko berriak garatzeaz eta horiekin esperimentatzeaz.
Irakasleak gaitasuna izan behar du eduki digitalak antolatu eta hezkuntza-komunitatearen eskura jartzeko, ingurune seguruen bidez eduki digital horiek eraginkortasunez babestuz. Horretarako, jabetza intelektualari eta egile-eskubideei buruzko araudia behar bezala errespetatu eta aplikatuz eduki digitalak kudeatu eta partekatzean.
Irakasleak gaitasuna izan behar du eduki digitalak aldatu eta egokitzeko (eduki bakoitzaren lizentziak ezarritako erabilera-baldintzak errespetatuz) eta eduki digital berriak sortzeko (banaka edo besteekin lankidetzan). Horretarako, kontuan hartuz berariazko ikaskuntzaren helburua, testuingurua, ikuspegi pedagogikoa, lizentziamendu mota, irisgarritasun unibertsala, erabilgarritasuna eta konpatibilitatea bermatuko dituzten alderdi teknikoak.
Irakasleak gaitasuna izan behar du kalitatezko eduki digitalak aurkitu, ebaluatu eta hautatzeko, honi esker irakaskuntza eta ikaskuntza erraztu eta hobetzeko. Horretarako, kontuan hartuz berariazko ikaskuntzaren helburua, testuingurua, ikuspegi pedagogikoa, lizentziamendu mota, irisgarritasun unibertsala, erabilgarritasuna eta konpatibilitatea bermatuko dituzten alderdi teknikoak.
Irakasleak garatu beharreko gaitasun digital profesionek lanbide-ingurune orokorra izan behar du xede, hots, irakasleek nola erabili behar dituzten teknologia digitalak lankide, ikasle, guraso eta beste interesdun batzuekiko elkarrekintzetan, beren lanbide-garapenerako eta erakunde osoaren onurarako. Hau da, teknologia digitalak erabiltzea komunikatzeko, elkarlanean aritzeko eta profesionalki garatzeko.
Irakasleak gaitasuna izan behar du iturri eta baliabide digitalak (edukiak, online ikastaroak, MOOC kurtsoak,...) erabiliz, bere gaitasun profesionalak etengabe landu eta eguneratzeko.
Irakasleak gaitasuna izan behar du banaka eta kolektiboki ikastetxean eta klasean garatzen den jardun pedagokiko digitalari buruz modu kritikoan hausnartzeko, hobekuntzak identifikatzeko eta azkenik horiek aplikatu ahal izateko.
Irakasleak gaitasuna izan behar du teknologia digitalak erabiliz beste irakasle batzuekin lankidetzan aritzeko, jakintza eta esperientzia partekatuz eta elkarlanean jardunbide pedagogikoak berrituz.
Irakasleak gaitasuna izan behar du ikastetxeak komunikaziorako definitutako estrategia jarraituz, teknologia digitalak erabiliz ikasle, guraso eta hirugarrengoekin komunikatzeko. Horretaz gain, gaitasun honek irakasleak lankidetzan arituz antolamendu mailako komunikazio-estrategiak garatu eta hobetzen lagundu behar du.
Ikastetxeak irakasleen gaitasun digitalak landu, hobetu eta eguneratzeko ekintzak garatu eta bultzatu behar ditu; irakasleen beharrak eta hutsuneak identifikatuz eta ikastetxeko eraldaketa digitalerako taldearekin adostuz.
Lanbide Heziketako ikastetxe batek gobernantza digitalerako beharrezkoak dituen egitura, prozesu eta politikak ezarri behar ditu, antolamendu eta estrategia digital egokien bidez erakundea eraginkortasunez gidatu eta administratzeko. Lidergo sendo batek, erabakiak hartzea eta eraldaketa digitala ikastetxearen kudeaketan aurrera eramatea ahalbidetuko du.
Bide horretan, prozesu eta politiketan genero eta talde zaurgarrien arrakalari aurre egiteko irisgarritasun eta inklusio digitala bermatu behar ditu ikastetxeak. Baita, ingurunearekin komunikazio eta harreman digitalak zehaztuko dituen komunikazio-estrategia garatu ere. Hori lortzeko, lankidetza sare digitalak ezarri eta bultzatu behar ditu, ikastetxea osatzen duen komunitate eta beste erakundeekin lankidetzan aritzeko eta ezagutza partekatzea bermatzeko.
Ikastetxeak komunikazio-estrategia bat finkatu behar du non helburu taldeak identifikatu ondoren, hauekin komunikatzeko teknologia egokiak aukeratu eta erabiltzen dituen, besteak beste, webgunea, sare sozialak eta ikasketa plataforma. Honetarako, ikastetxeak nortasun digitala eraiki behar du, komunikazio planean hau sortzeko jarraibideak eta erantzukizunak argi eta garbi zehaztuz. Aldi berean, datu pertsonalen babesa bermartuko duten prozedurak martxan jarri behar dira, irakasleak formatuz, babestu beharrekoak identifikatuz, segurtasun dokumentu bat sortuz eta honen jarraipena eginez hobekuntzak egin ahal izateko.
Ikastetxeak ikasleen, gurasoen, langileen eta beste edozeinen datu pertsonalen babesa eta pribatutasuna bermatu behar du. Hori dela eta, ikastetxeak neurri egokiak ezarri behar ditu datuak modu seguru eta gardenean biltzeko, biltegiratzeko, prozesatzeko eta partekatzeko, DBEOk ezarritako legezko baldintzak betez.
Ikastetxeak bere presentzia digitala bideratzen duen plan bat diseinatu behar du (Social Media Plan); honek komunikazio planean txertatuta egon behar duelarik. Plan honetan argi eta garbi zehaztu behar dira nortasun digital horretarako jarraibide eta erantzukizunak.
Ikastetxeak komunikazio-estrategia bat ezarri behar du, helburu eta talde desberdinei egokituta eta bideratuta. Horretarako teknologia digital desberdinak erabiliz behar ditu (webgunea, sare sozialak, posta, ikasketa-plataforma…).
Ikastetxeak, irakasle eta ikasleek, baliabide digitalak partekatu eta lankidetzan aritu ahal izateko beharrezkoak diren teknologia digitalak eskaini behar ditu. Bestalde, ikastetxeak komunitatearekin, izan ikastetxean bertan izan beste ikaskuntza-erakundeekin edota izan sektore publikoko nahiz pribatuko erakundeekin, ezagutza partekatzeko jarduerak eta ekitaldiak antolatzeko aukera eskaini behar du (aurrez-aurre, online edo formatu konbinatuan).
Ikastetxeak komunitatearekin, izan ikastetxean bertan izan beste ikaskuntza-erakundeekin edota izan sektore publikoko nahiz pribatuko erakundeekin, ezagutza partekatzeko jarduerak eta ekitaldiak antolatzeko aukera eskaini eta sustatu behar ditu (aurrez-aurre, online edo formatu konbinatuan).
Ikastetxeak bere kideen (langileak, irakasleak eta ikasleak) arteko lankidetza sustatzeko prozesuak definitu eta baliabide digitalak eskaini behar ditu. Ikastetxe barneko sareak ez ezik, inguruko erakunde eta eragileenak ere sustatuz.
Ikastetxeak informazio-sistemak kudeatzeko politikak definitu behar ditu; bertan azpiegitura digital, software, erabiltzaile kontu eta sistema digitalei buruzko irizpideak eta lan egiteko modua jaso behar direlarik. Era berean, ikastetxeak ezagutzaren kudeaketa modu antolatuan egin behar du, besteak beste ezagutza-mapa, dokumentu-kudeatzailea eta ikaskuntzarako plataforma birtuala zehaztuta egon behar dutelarik. Baita ere, prozesuen kudeaketa digitala ahalbidetaruko duten neurriak hartuko ditu, informazio eta datuak modu zentralizatuan kudeatuz. Berebiziko garrantzia izanik kudeaketa eta politiketarako erabaki estrategikoak hartzerakoan datu-analisian onarrituta egotea.
Ikastetxeko kudeaketa eta politiketarako erabaki estrategikoek datu-analisian onarrituta egon behar dute. Datu-bilketak eta emaitzen iragarpenak modu automatizatuan egin behar dira, horiei esker erabakiak hartzea erraztuz.
Ikastetxeak, teknologia digitaletan oinarritutako prozesuen kudeaketa ahalbidetuko duten neurriak hartu behar ditu. Horretarako, Informazio eta datuak modu zentralizatuan kuadeatu behar ditu eta alor guztiek modu berean egitea sustatuko du.
Ikastetxeak, ezagutzaren kudeaketa modu antolatuan egin behar du. Horretarako ezagutza identifikatu eta bere transferentzia antolatu behar du. Informazio-arkitektura egoki bat definituz eta besteak beste ezagutza mapa, dokumentu kudeatzailea eta plataforma birtuala zehaztuz.
Ikastetxeak informazio-sistemak kudeatzeko politikak definitu behar ditu. Bertan jaso behar dira azpiegitura digitalari, softwareari, erabiltzaile kontuei eta lan egiteko moduari dagozkien irizpideak.
Eraldaketa digitalaren garapenak aintzat izan behar du gizartearen aniztasuna; aukera-berdintasuna ziurtatuz. Aniztasun funtzioanalari irisgarritasun eta inklusio digitala bermatuz, Talde eta pertsona zaurgarrien baliabide eta prestakuntza digital beharrak asetzeari arreta jarriz eta genero-oreka erraztuz eta indartuz; beharrezkoak diren prestakuntza eta sentsibilizazio jarduerak planifikatuz.
Ikastetxeak eraldaketa digitalerako ekintzek generoan duten eragina neurtu eta baloratu behar du genero-berdintasuna lortzeko ekintzak bultzatzeko helburuarekin.
Ikastetxeak, aurretiko ebaluazio baten emaitzetan oinarrituta, talde zaurgarrientzako arreta bermatzeko programa pertsonalizatua izan behar du, non gaitasun digitaletan gabeziak dituztenei prestakuntza eskaintzen zaien.
Ikastetxeak, bere barne-protokoloen eta irakasleen prestakuntzaren bidez, dibertsitate funtzionala duten pertsonen aukera-berdintasuna bermatu behar du, ziurtatuz dibertsitate funtzionaleko egoerek ez dutela eraginik izango informazio sarbidean, ikaskuntzan eta gaitasun digitalen eskurapenean.
Ikastetxeak eraldaketa digitalarekin lotutako helburuak zeharka integratu behar ditu ikastetxeko plan estrategikoetako helburuetan, beti ere heldutasun-ereduaren lau eremuak barneratuz eta estrategia digital honen diseinuan eraldi taldearekin batera alor eta prozesu arduradunek parte hartuz. Ezinbestean, plana sustatu ahal izateko beharrezkoak diren baliabide eta pertsonak esleitu behar ditu ikastetxeak.
Ikastetxeak, diseinatutako estrategia digitala ezarri ahal izateko plan bat izan behar du. Ezinbestean, plana sustatu ahal izateko beharrezkoak diren baliabide eta pertsonak esleitu behar ditu.
Ikastetxeak, estrategia digitalaren diseinuan ahalik eta parte hartze zabalena izatea bideratu behar du, besteak beste alorrek, prozesu buruek eta irakasle taldeek parte har dezaten diseinu horretan; alorretako urteko planetan edota irakaskuntza-ikaskuntza prozesuen programazio eta planifikazioetan eraldaketa digitala sendotzen duten ekintza txertatuak egon daitezen.
Ikastetxeak, eraldaketa digitalerako taldearen laguntzarekin, eraldaketa digitalarekin lotutako helburuak zeharka integratu behar ditu ikastetxeko plan estrategikoetako helburuetan.
