jonka HERLINDA CUETO ARPI 3 vuotta sitten
258
Lisää tämän kaltaisia
Atuqmantawan kunturmantawan
Juan Francisco CONDORI MERMA.
(13 watayuq, primaria nisqaq tawañiqin watanpi - Agosto killapi 1999 watapi)
Kuntursi nisqa atuqta «silupin phista kanqa». Chaysi atuqqa rikuyta munaspa «nuqapuwan risunchu?» nisqa. Chaysi kunturqa «manan qanqa yarqayta awantamuwaqchu» nisqa. Chaysi atuqqa «manan wañumusaqchu yarqaypiqa». Chaysi kunturqa pusasqa atuqta. Chaysi siluman chayarachin. Chaysi silupiqa runakunaqa «ima animaltaq kayri?» nispa nisqa. Chaysi atuqqa k’uchuchallapi tiyaykusqa. Chaysi misaq ukhunkunapi tullukunata k’utupakushasqa. Mana atuqta riqsispa pasapusqa kuntur. Chaysi atuqqa maskhaykusqa kunturta. Chaysi mana kuntur kapuqtin kutiyampunanpaq luruta balikusqa «pusaruway» nispa. Chaysi luruqa «q’ishwata ashkhata ruwaruway» nisqa. Chaysi atuqqa ashkhata ruwarukusqa. Chaysi luruta nillantaq «wayqiy kunanqa ruwaruniña q’ishwata». Chaysi luruqa «q’ishwawan watarukuy» nisqa atuqta. Chaysi atuqqa watarukusqa sinturanmanta. Chaysi atuqqa nillantaq luruta «wayqiy kunanqa wataruniña» nispa nin luruta. Chaysi kachapun. Chaysi kuskan silupi kashasqa. Chaysi atuqqa nisqa luruta «k’arpa sinqa luru» nisqa. Chaysi luruqa kasqanta chutarapusqa. Chaysi atuqqa luruta balikun «manaña kunanqa nimusaykiñachu». Chaysi yapamanta kachallasqataq ñas kuskan marpiña kashallasqataq. Chaysi «k’arpa sinqa luru» nillasqataq atuqqa. Chaysi nishuta k’amiqtin luruqa kacharimpusqa atuqta. Chaysi atuqqa wawanta nimusqa «qumpi chusita mast’amuy». Chaysi suyt’u rumita sayarachisqaku runakuna atuq wañunanpaq. Chayman wikch’uyakapusqa. Chaypi wiksan phatarapusqa. Chaysi wañupusqa atuq. Chaypi tukupun.
